კომაროვის სკოლაში მე-7 კლასში მისაღები გამოცდების რეგისტრაცია დაიწყება 18 ივნისს. რეგისტრაცია შესაძლებელი იქნება, როგორც ონლაინ რეჟიმში ასევე სკოლაში. 18 ივნისს დაიდება შესაბამისი ბმული.

მათთვის, ვისაც სურს რეგისტრაცია გაიაროს ადგილზე, სკოლაში - რეგისტრაცია იწარმოებს შაბათ-კვირის გარდა, 18 ივნისიდან 1 ივლისის ჩათვლით, 11:00-დან - 18:00 საათამდე. მისამართი: ქალაქი თბილისი, ვაჟა-ფშაველას გამზირი N49, ოთახი N116. 

რეგისტრაციის დროს, მშობელმა სარეგისტრაციო სისტემაში უნდა ატვირთოს  (ან წარმოადგინოს სკოლაში): ან სკოლის მიერ გაცემული ფოტოსურათიანი ცნობა, ან პირადობის დამადასტურებელი ფოტოსურათიანი დოკუმენტი. 

მისაღები გამოცდის სავარაუდო თარიღი იქნება 15 ივლისი. თარიღი გამოცხადდება 18 ივნისს. ტესტის სტრუქტურა და მიღების პირობები გამოცხადდება არაუგვიანეს 30 ივნისს. 

გამოცდების წარმატებით ჩაბარების შემდეგ მშობელმა სკოლაში უნდა წარმოადგინოს: 

·          2017-18 სასწავლო წლის წლიური ნიშნების ცნობა 

·          დახასიათება სკოლიდან 

სკოლაში მიღებაზე შეიძლება უარი ეთქვას იმ მოსწავლეს, რომელსაც, მიუხედავად გამოცდების წარმატებით ჩაბარებისა, წლიური ნიშანი რომელიმე საგანში ექნება 7 ან ნაკლები, ან სკოლიდან წარმოდგენილი დახასიათებისას გამოიკვეთება სკოლის შინაგანაწესის ხშირი დარღვევები. 

 კომაროვის სკოლა გისურვებთ წარმატებას!